FERRERO КОМПАНИЯСЫНЫҢ 2022–2023 ЖЫЛДАРҒА АРНАЛҒАН КАКАО ХАРТИЯСЫНЫҢ НОРМАЛАРЫН ІСКЕ АСЫРУ ЕСЕБІ
Ferrero компаниясының 2022–2023 жылдарға арналған Какао хартиясының нормаларын іске асыру туралы есебі компанияның қоршаған ортаны қорғау, фермерлікшаруашылықтардың тұрақтылығын қамтамасыз ету және адам құқықтарын қорғау саласындағы міндеттемелерін растайды.
Ferrero компаниясы 2022–2023 жылдарға арналған Какао хартиясының нормаларын іске асыру бойынша есебін жариялап, какао өндірісін адамдарға пайдасы тиетін және табиғаттықорғайтын бағытта дамытуға бағытталған күш-жігерін көрсетті. Какао - Ferrero өнімдерінің негізгі ингредиенттерінің бірі. Компания какао саласында өндірісті барлық қатысушылар үшінқұнды ететін жетекші күшке айналдыруға ұмтылады: шағын фермерлік шаруашылықтар мен қауымдастықтардың тұрақтылығы артады, балалардың құқықтары қорғалады, ал тұрақты ауылшаруашылығы әдістерін қолдану арқылы қоршаған орта сақталып, жақсарады.
2022–2023 жылдары Ferrero өзінің какао өнімдерінің 100%-ын халықаралық тұрақтылық стандарттарына сәйкес сертификатталған көздерден сатып алды. Компания сонымен қатар какао бұршақтарының фермадан бастап алғашқы сатып алу орнына дейінгі 93%-дық іздеушілігін полигондық картография арқылы қамтамасыз етіп, жылдық мақсатты көрсеткіш – 90%-дан асқаннәтижеге қол жеткізді. Бұл маңызды жетістіктер компанияның какао саласын тұрақты дамыту жолындағы прогресін көрсетеді. Тұрақты даму міндеттемелеріне қосымша, Ferreroкомпаниясының Какао хартиясының нормаларын іске асыру бойынша есебі адам құқықтарын қорғау, қоршаған ортаны сақтау, фермерлік шаруашылықтардың тұрақтылығын қамтамасызету және жергілікті қауымдастықтарды дамыту бағытындағы әрекеттерін растайды.
«Біз какао өсірумен айналысатын қауымдастықтарда, какао жеткізу тізбегімізде және оның ауқымынан тыс экономикалық, әлеуметтік және экологиялық мәселелерді шешуге өзүлесімізді қосуға ұмтыламыз», – деді Ferrero компаниясының сатып алу бойынша директоры Изабель Хочгесанд. «2022–2023 жылдардағы көп үміт беретін нәтижелеріміз, Какао хартиясының нормаларын іске асыру туралы есебімізде көрсетілгендей (мысалы, 40 мың фермерді табыс әкелетін қызмет түрлерімен қолдау), және какао бұршақтарыныңполигондық картография арқылы 93%-дық іздеушілігін қамтамасыз ету – тұрақты даму саласында үздіксіз жетілдіруге деген біздің адалдығымызды көрсетеді».
Какао жеткізу тізбегіндегі мәселелер күрделі болғандықтан, фермерлермен, ҮЕҰ-дармен, қауымдастықтармен және үкіметтермен құн тудыру тізбегінің барлық кезеңінде ынтымақтастықжасау жалпы прогреске қол жеткізудің басты шарты болып табылады.
- Фермерлік шаруашылықтардың тұрақтылығын қамтамасыз ету: Ferrero фермерлерге табысын әртараптандыруға және өнімділігін арттыруға бағытталған нақты қолдау көрсетеді.
- Адам құқықтары және әлеуметтік тәжірибелер: Save The Children ұйымымен, Дүниежүзілік какао қоры және Халықаралық какао бастамасымен ынтымақтаса отырып, Ferreroкомпаниясы какао өсірумен айналысатын қауымдастықтардағы адам құқықтарын, әсіресе балалар құқықтарын қорғауға ұмтылады.
- Қоршаған ортаны қорғау: Ferrero фермерлерге агролесомелиорациялық жүйелерге көшуге және табиғи орман массивтерін қалпына келтіруге көмектеседі.
- Мөлдірлік: Ferrero құн тудыру тізбегін ферма деңгейіне дейін толық бақыланатын әрі талаптарға сай етіп құру үшін әрекет етеді. Әр жыл сайын компания какао жеткізу тізбегіндегі 1-деңгейлі жеткізушілер мен фермерлік топтардың ашық тізімін жаңартып отырады.
- 2022–2023 жылдарға арналған Какао хартиясының нормаларын іске асыру туралы есебіне сәйкес, Ferrero барлық төрт бағытта елеулі прогреске қол жеткізді:
Бағыт 1: Фермерлік шаруашылықтардың тұрақтылығын қамтамасыз ету
- 50 мың фермер ауыл шаруашылығын жетілдіру және табысын әртараптандыру үшін нақты қолдау алды
- 40 мың адам табыс әкелетін іс-шараларға қатысты
- 1,2 млн какао көшеттері фермерлерге таратылды
Бағыт 2: Адам құқықтары және әлеуметтік тәжірибелер
- Фермерлік топтардың 100%-ы балалар еңбегін бақылау және жою жүйесіне (CLMRS) немесе ұқсас жүйеге енгізілген.
- 25 мектеп салынды немесе жөнделді (2022/2023 жылы жалпы 133 мектепке жетті)
- 1721 ауылдық үнемдеу және несие қауымдастығы (VSLA) жұмыс жасауда
Бағыт 3: Қоршаған ортаны қорғау
- 1,4 миллионнан астам ағаш ферма аумағына және оның айналасына отырғызу үшін таратылды
- 168 мың гектар агролесомелиорацияға бейімделді (жалпы аумақтың 40%-ы)
- 68 мың гектар жер табиғи ресурстарды басқаратын қауымдастықтардың бақылауында
Бағыт 4: Жеткізушілердің мөлдірлігі
- Какао бұршақтарының 93%-ы полигондық картография арқылы ферма деңгейіне дейін бақыланады
- 460 мың гектар жер ормансыздану қаупі тұрғысынан бағаланды
- Какао жеткізу тізбегінің 97%-ы ормансыздануға қатысы жоқ
- 211 мың фермер Ferrero Farming Values (FFV) бағдарламасына қатысты
- Компания 224 мың метрлік тонна какао сатып алды
2022–2023 жылдарға арналған Какао хартиясының нормаларын іске асыру туралы Ferrero есебіне қосымша, компания 2022–2023 жылдарға арналған Какао және ормандар бастамасын (CFI) жүзеге асыру есебін жариялады. Бұл бастаманың мақсаты - Кот-д’Ивуар мен Ганада фермерлік шаруашылықтардың тұрақтылығын қамтамасыз ету және ормандарды қорғау. Ferreroкомпаниясының негізгі жетістіктері: 75 мың фермер климаттық жағдайларды ескере отырып какао өндіру әдістерімен таныстырылды, ал 86 мың фермер агролесомелиорация әдістерін қолдануға мүмкіндік алды. Сонымен қатар компания шамамен 4,5 мың жас адамды қоғамдық ұйымдар арқылы жұмысқа тартты және 181 елді мекенде ормандарды қалпына келтіру және қорғау бағдарламаларын жүзеге асырды.
2024 жылы және одан кейінгі кезеңде Ferrero тұрақты даму мақсаттарына жету үшін серіктестер мен жеткізушілермен ынтымақтастығын жалғастырады. Алдағы қиын жолды ескере отырып, әлем бойынша ұзақ мерзімді оң әсерге қол жеткізу үшін барлық мүдделі тараптар - үкіметтер, елдер, компаниялар және фермерлік бірлестіктермен тығыз жұмыс істеу маңызды.
Толығырақ:
Ferrero компаниясының Какао және ормандар бастамасы (CFI) аясындағы жоспары
Ferrero компаниясының Какао хартиясының нормаларын іске асыру туралы есебі
Ferrero компаниясының жаһандық какао жеткізу тізбегі бойынша есебі
