FERRERO ТОБЫ 2024/2025 ҚАРЖЫ ЖЫЛЫНА АРНАЛҒАН ШОҒЫРЛАНДЫРЫЛҒАН ҚАРЖЫЛЫҚ ЕСЕПТЕРІН ҰСЫНДЫ

Ferrero Тобының өсу траекториясы 4,6%-ға ұлғайып, 19,3 миллиард еуроға жетті.
Инновациялар стратегиясы, портфельді кеңейту және жаңа активтерді иелену 2024/25 жылдардағы табысқа жол ашты.
Болашақтағы дамуды қолдау үшін 2024/25 жылдары инвестиция көлемі 1,1 млрд еуроға жуық артады және бұған 2025 жылдың қыркүйегінде WK Kellogg Co. компаниясын сатып алу жұмыстары септігін тигізеді.

Люксембург – 6 ақпан, 2026 ж. Басқарма төрағасы Джованни Ферреро және Бас директор Лапо Чивилетти бастаған Ferrero Тобы 2025 жылдың 31 тамызында аяқталған 2024/2025 қаржы жылының қорытындысын жариялады*. Ferrero-ның 2024/2025 қаржы жылындағы шоғырландырылған айналымы 19,3 млрд еуроны құрады, бұл өткен есепті кезеңмен (18,4 млрд еуро) салыстырғанда 4,6%-ға өскенін көрсетеді. Бұл компанияның ұзақ мерзімді стратегиясының сәттілігін дәлелдейді.

Ferrero Тобы өзінің жаһандық деңгейдегі орнын сақтап отыр; 2025 жылдың 31 тамызындағы жағдай бойынша, жалпы саны 48 697 адамды құрайтын компания құрамына 36 өндірістік кәсіпорын кіреді. Бір жыл бұрын, 2024 жылдың 31 тамызында, қызметкерлер саны 47 517 адам болған еді.

Даниэль Мартинес Карретеро (Daniel Martinez Carretero), Ferrero Тобының бас қаржы директоры: «Биыл Ferrero өзінің 80 жылдығын атап өтуде және барлық қызметкерлеріміздің адалдығы мен жанқиярлығының арқасында бүкіл әлемдегі тұтынушыларды өзінің аңызға айналған өнімдерімен қуантуды жалғастыруда. Инновациялық өнімдерді енгізуге, санаттарды кеңейтуге және жаңа нарықтарды игеруге бағытталған біздің өсу стратегиямыз бизнестің дамуын қамтамасыз етеді. 2024/2025 қаржы жылындағы күрделі салымдардың артуы және соңғы сатып алуларымыз біздің болашаққа деген сенімімізді және ұзақ мерзімді инвестициялауға дайын екендігімізді көрсетеді. Біз инновацияларды енгізу және жергілікті нарықтардағы позицияларымызды нығайту үшін әлеуетімізді арттыруды жалғастырамыз».

Топ мақсатты түрде санаттарды кеңейту және брендтерді стратегиялық тұрғыда жаңарту арқылы өз портфелін дамытуды жалғастырды. 2024/2025 жылдардағы негізгі жетістіктер:

Тұтынушылардың өсіп келе жатқан сұранысын қанағаттандыру үшін өсімдік негізіндегі Nutella пастасының өндірісі іске қосылды.
Жаңа санаттарды, соның ішінде Nutella Crepes пен Nutella Donut өнімдерін қосу арқылы Nutella мұздатылған нан-тоқаш өнімдерінің ассортименті кеңейтілді.
Солтүстік Америкадағы танымал үш бренд: Butterfinger®, BabyRuth® және 100 Grand® бойынша балмұздақ өндірісі басталды.
Қантсыз және қосарланған дәмі бар жаңа Tic Tac Two желісі іске қосылды.
Протеинді вафли батончиктерінің жетекші американдық бренді – Power Crunch компаниясын сатып алу арқылы портфолио кеңейтілді.

Топ негізгі нарықтардағы өз позициясын дәйекті түрде нығайтып, портфелін кеңейтуде. 2024/2025 жылғы негізгі оқиғалар:

Солтүстік Америкада Ferrero компаниясы Брантфордтағы (Онтарио провинциясы, Канада) өндіріс алаңын кеңейтетінін жариялады. Бұл 500 жұмыс орнын ашуға және Еуропадан тыс жерде Nutella піспенанын шығаруды бастауға мүмкіндік береді. Сондай-ақ, Топ Блумингтонда (Иллинойс штаты, АҚШ) Kinder Bueno өндіретін жаңа кәсіпорынды (169 000 шаршы метр) ашты, онда 200 жаңа жұмыс орны құрылды.
Еуропада Ferrero компаниясы өсіп келе жатқан сұранысты қамтамасыз ету мақсатында Виллер-Экалльдегі (Францияның солтүстігі) Nutella өндіретін ең ірі кәсіпорнында өндірістік қуаттылықты арттыруды жалғастырды.

бұл мәміле Америка Құрама Штаттарында, Канадада және Кариб бассейні елдеріндегі WK Kellogg Co брендімен шығатын аңызға айналған дайын таңғы астар портфелінің өндірісін, маркетингін және дистрибуциясын қамтиды. Осы сатып алу аясында Ferrero компаниясы 3000 әріптесті жұмысқа қабылдады, соның нәтижесінде бүгінгі таңда Ferrero қызметкерлерінің жалпы саны бүкіл әлем бойынша 50 000-нан асады.

Ferrero Тобы туралы

Ferrero Тобы – тәтті оралған тағамдар нарығындағы әлемдік көшбасшы. Компания Nutella®, Kinder®, Ferrero Rocher® және Tic Tac® сияқты брендтерімен жаһанға белгілі, сондай-ақ жергілікті нарықтардағы сүйікті өнімдерімен танымал.

1946 жылы Альба қаласында (Италия) негізі қаланған Ferrero отбасылық компаниясы биыл өзінің 80 жылдығын 50 000 қызметкерімен бірге атап өтуде. Ferrero өнімдері 170-тен астам елде ұсынылған. Компания бай мұра мен сапаға деген адалдықты барлық брендтер мен санаттардағы, соның ішінде балмұздақ, піспенан және нан-тоқаш өнімдері, дайын таңғы астар, сондай-ақ Better-for-you санатындағы өнімдердегі тұрақты инновациялармен ұштастырады. Ұзақ мерзімді пайымдауды басшылыққа ала отырып және кемелдік пен қамқорлық құндылықтарына адалдықты сақтай отырып, Ferrero орнықты өсуді мақсат етеді және келешегі зор нарықтардағы өз орнын дәйекті түрде нығайтып келеді.

*Бұл қаржылық нәтижелерге WK Kellogg Co. компаниясын сатып алу бойынша деректер кірмейді.