FERRERO КОМПАНИЯСЫ 2023 ЖЫЛҒА АРНАЛҒАН КОНСОЛИДИРЛЕНГЕН ҚАРЖЫЛЫҚ ЕСЕПТІЛІКТІ ЖАРИЯЛАДЫ
Ferrero компаниясы 2023 жылға арналған консолидирленген қаржылық есептілікті жариялады
- Ferrero компаниясы өсуді жалғастырып, айналымын 21%-ға арттырып, 17 миллиард еуроға жеткізді, ал қызметкерлер саны 14%-ға өсіп, 47 212 адамға жетті.
- Сондай-ақ компания Солтүстік Америкадағы қатысуын, балмұздақ өндіретін Wells Enterprises Inc. компаниясын стратегиялық тұрғыда сатып алу арқылы кеңейтті.
Ferrero компаниялар тобының холдингтік компаниясы Ferrero International S.A. 2022–2023 қаржылық жылын (2023 жылғы 31 тамызда аяқталды) 17 млрд еуро көлеміндегі консолидирленген айналыммен қорытындылады. Бұл өткен есепті кезеңмен (14 млрд еуро) салыстырғанда 20,7%-ға өскенін көрсетеді. Осы нәтижелерге Төраға Джованни Ферреро айқындаған стратегия аясындағы органикалық өсім мен сатып алулардың арқасында қол жеткізілді. Аталған стратегияны Бас директор Лапо Чивилетти жүзеге асырып келеді.
2022/2023 қаржылық жылы күрделі экономикалық және геосаяси жағдаймен ерекшеленгеніне қарамастан, Топ өсім қарқынын сақтап, түрлі аймақтар мен санаттарда нарықтағы үлесін нығайта алды. Бұлқызметкерлердің жоғары деңгейдегі белсенділігі, брендтердің тұрақтылығы және тиімді бизнес-модельдің арқасында мүмкін болды. 2023 жылғы 31 тамыздағы жағдай бойынша Ferrero-ның әлем бойынша37 өндірістік кәсіпорны бар (2022 жылы – 32). 2022/2023 қаржылық жылында Топтың орташа қызметкерлер саны 47 212 адамды құрады, бұл 2021/2022 жылғы көрсеткіштен (41 441 адам) жоғары.
«Әлемде сақталып отырған экономикалық және геосаяси қиындықтарға, сондай-ақ инфляциялық тәуекелдерге қарамастан, тұрақты өсім туралы хабарлауға қуаныштымыз. Табыс өсімімен қатарқызметкерлер санының 5 мыңнан астам адамға артуы біздің бизнес-стратегиямыздың ұзақ мерзімді көзқарасқа негізделгенін көрсетеді», – деді Ferrero тобының қаржы директоры Даниэль Мартинес Карретеро.
2023 жылдың қаңтар айының соңында Топ Wells Enterprises Inc. компаниясын, оның өндірістік кәсіпорындарын және Blue Bunny®, Blue Ribbon Classics®, Bomb Pop® және Halo Top® сияқты танымал брендтерінсатып алу мәмілесін аяқтады. Бұл сатып алу Ferrero тобының Солтүстік Америкадағы бизнесін кеңейту және балмұздақ санатын дамытуға бағытталған стратегиялық бастамасының бір бөлігі болып табылады. Мәміле сондай-ақ АҚШ-тың Айова, Невада және Нью-Йорк штаттарында орналасқан төрт өндірістік кәсіпорынды сатып алуды қамтыды.
2023 жылдың наурыз айының соңында Ferrero мұздатылған кондитерлік өнімдер өндіретін италиялық отбасылық бизнес Fresystem тобын сатып алу мәмілесін де аяқтады. Бұл сатып алу Ferreroкомпаниясының стратегиялық даму жоспарларының бір бөлігі болып табылады және 2021 жылдан бері Fresystem өндіретін Nutella маффиндері желісі іске қосылғаннан кейінгі келесі қадам болып есептеледі.
Инновациялар Ferrero компаниясының ДНҚ-сының ажырамас бөлігі болып қала береді. Олар әйгілі Ferrero брендтерін дамытып, тәтті қапталған өнімдер нарығындағы жаңа санаттарда қатысуды кеңейтугемүмкіндік береді. 2022–2023 жылдары компания Еуропада балмұздақ сегментінде Kinder, Rocher және Raffaello брендтерімен жаңа өнімдерді ұсынды, сондай-ақ АҚШ-та Nutella Biscuits пен Nutella B-readyөнімдерін сәтті нарыққа шығарды.
Тұтынушылардың Ferrero өнімдеріне деген өсіп келе жатқан сұранысын қанағаттандыру үшін Топ өндірістік қуаттарын кеңейтті. Есепті қаржылық кезеңде компания 811 млн еуро көлемінде капиталдықинвестициялар жасады. Бұл инвестициялардың едәуір бөлігі Италия, АҚШ, Германия және Испаниядағы өндірістік алаңдар мен жабдықтарды дамытуға бағытталды.
Төраға Джованни Феррероның басшылығымен Топтың ұзақ мерзімді өсу стратегиясы тұрақты даму қағидаттарына ерекше назар аударуды көздейді. Ferrero компаниясының тұрақты даму стратегиясы төртнегізгі бағытқа негізделген: қоршаған ортаны қорғау, жоғары сапалы әрі тұрақты шикізатты жауапкершілікпен сатып алу, саналы тұтыну қағидаттарын ілгерілету және адамдарға қамқорлық көрсету.
Толығырақ ақпарат www.Ferrero.com сайтында.
