Біздің негізгі құндылықтар
Әр істеп жатқан ісіміздің негізінде бастапқы құндылықтарымыз жатыр.
Адалдық пен сенім
Тұтынушыларымыздың қажеттіліктеріне тұрақты көңіл бөліп отыру ашықтық және мінсіз сапамен ынталанған компания саясатының негізінде жатыр.
Біздің тұтынушылардың мүдделеріне деген адалдығымыз бен олардың біздің өнімдерімізді күн сайын сатып алу арқылы бізге артатын сенімі олармен ұзақ мерзімді қарым-қатынасымыздың негізі болып табылады.
Компаниямыздағы жұмыс әріптестер арасындағы сенімге, Топтағы және біз күнде араласатын азаматтық қоғамның мүдделі тұлғаларына деген адалдық пен ашықтыққа негізделген.
Сыйластық және жауапкершілік
Теңдік қағидатын сақтай отырып, біз қызметкерлеріміздің кәсіби және жеке дамуына ықпал етеміз. Бұл біз жұмыс істейтін аумақтардағы жергілікті қауымдастықтармен берік байланыстарымызды нығайтады.
Біз жұмысқа қабылданған сәттен бастап Топтың барлық компанияларында еңбек қатынастарында ешқандай кемсітушілікке жол бермейміз. Еңбек қатынастары саласындағы стратегиямыздың негізгі мақсаты қызметкердің кәсіби өсуі мен оның еңбегін тану қағидаттарына негізделген ұзақ мерзімді ынтымақтастықты орнату болып табылады.
Біз қызметкерлерімізге кәсіподақ мүшелігіне қатысты таңдау еркіндігіне кепілдік береміз және еңбек қатынастары мәселелеріндегі кәсіподақтардың рөлін мойындаймыз.
Адам денсаулығын және қоршаған ортаны қорғау біздің өндірістік қызметіміздің басты назарында. Өндірісті басқару үдерісінде біз ресурстарды (су, энергия, шикізат және басқа материалдар, соның ішінде жаңартылатын ресурстар) тиімді пайдаланамыз. Біз қоршаған ортаға тигізетін әсерімізді азайту үшін күресудеміз, соның ішінде шығарындыларды, қалдықтарды азайту және оларды дұрыс жою үдерістеріне үлкен мән береміз.
Біз адамның қадір-қасиетін қорғауды, сондай-ақ Ferrero тобының компаниялары жұмыс істейтін барлық жерде адам құқықтарын абсолютті және сөзсіз құрметтеуді қолдаймыз.
Біздің компанияның барлық үдерістерінде балалар еңбегі, сондай-ақ мәжбүрлі еңбектің кез келген түрін пайдалану тыйым салынған.
Адалдық және ұстамдылық
Жарнаманы қоса, тұтынушыларымызбен байланысымыз біздің моральдық және этикалық қағидаларымызға сәйкес адам абыройын, отбасы мен балалар құндылықтарын құрметтеуге негізделген. Олар біздің моральдық-этикалық қағидаттарымызға сәйкес келеді және біздің өнімдерімізді дұрыс пайдалану мен салауатты өмір салтын насихаттаудан шабыт алған.
Жергілікті, ұлттық және халықаралық деңгейде мүдделі тұлғалардың әртүрлі топтарымен өзара әрекеттесу кезінде біз берік ғылыми білімге, зияткерлік адалдыққа және мінез-құлықтың ашықтығына сүйенеміз.
Сапаға, зерттеу мен инновацияға деген құштарлық
Біздің мақсатымыз - бірегей өнімдерді өндіру, инновациялық зерттеу мен өндірістік үдерістерді дамыту және өз технологияларымызды қолдану. Мақсатқа жету жолының өзі біз үшін бірдей қызықты, өйткені біз жаңа нәрселерді үйренуге, ескі парадигмаларды жоюға және бұрын біздің қызметімізге ешқандай қатысы болмаған салаларды зерттеуге тырысамыз.
Қолданылатын шикізаттың органолептикалық және қоректік қасиеттерін сақтау үшін біз сапаны бақылаудың шоғырландырылған әдістерін қолданамыз.
Біздің табысымыздың негізі - әдеп кодексіне сәйкес шығу тегіне, жиналуына және өндірісіне қатысты ең жоғары сапалы шикізатты мұқият таңдау.
Тамақтану және физикалық белсенділік сияқты тақырыптарға әлемдік жұртшылықтың назарының артуы аясында компанияның зерттеу стратегиясы мен өндірістік инвестициялардағы басты назар аударатын мәселесі - тағамдық құндылығы мен бөлінуін ескере отырып, мұқият әзірленген жоғары сапалы өнімдерді жасау, бұл өнімдерді балалар мен ата-аналарының қажеттіліктерін ескере отырып, үйлестірілген диетаға қосуға мүмкіндік береді.
Кәсіпкерлік қызмет
Кәсіпкерлік «бастама» ұғымымен тығыз байланысты; бұл максималды нәтижеге қол жеткізу үшін бизнес мәселелерін шешуде шығармашылықпен өз бетінше әрекет ету уәждемесінің тікелей көрінісі болып табылатын құндылық.
Табысқа жету үшін, әрине, керемет стратегия, сондай-ақ қажетті нәтижеге жету жолы бойынша нақты көзқарас, өз инвестицияларына қатысты белсенді ұстаным, өз міндеттемелерін уақытылы орындау, алға қойылған міндеттерді іске асыруда кемелдікке ұмтылу қажет.
Ferrero тобы берік және терең тамыр жайған «іс-әрекет арқылы үйрену» мәдениетінің арқасында осындай жетістікке жетті. Ferrero моделіндегі орнықты дамудың маңызды элементі өнімдер, нарықтар мен тұтынушылар туралы техникалық дағдылар мен білімнің үздіксіз жинақталуы болып табылады, бұл бізді «құндылық жасаудан» «жасау құндылығын» нығайтуға жетелейді.
Ұжымның ұлы болмысы озықтық пен бүгіннен де жарқын болатын болашақты көре білу қабілетімен ынталанған. Себебі әлем әрқашан табысқа жетуді қалайтын, міндеттемелерді орындауға дайын және үнемі жетілдіруге ұмтылатындарға тиесілі болады.
Қызмет ет, шығармашыл бол, қайырымдылық жаса – Ferrero қоры.
Біз өзімізді қызмет жолының басында Микеле Ферреро ойлап тапқан және енгізген Қызмет ет, шығармашыл бол, қайырымдылық жаса ұранымен айқындаймыз. Байыбына келгенде, біз «әрекет еткендей көрінгеннен гөрі» «әрекет ету әдебін» таңдаймыз.
Осы философия шабыттандырды және әлі де шабыттандырып келеді:
- Ferrero қоры Топтың қарым-қатынасын әлеуметтік-мәдени бағдарламалар арқылы зейнетке шыққан қызметкерлерімен сақтап отыруға, сондай-ақ біз істеп жатқан жергілікті қауымдастықтармен байланысты нығайтуға арналған;
- «Progetto Imprenditoriale Michele Ferrero» - Микеле Феррероның инвестициялар мен пайда негізінде жұмыс істейтін кәсіпкерлік жобасы. Бұл инвестицияларға және балаларға ерекше көңіл бөле отырып, дамушы елдердегі халықтың өмірін жақсарту үшін игерілген ресурстарды пайдалануға негізделген;
- Бүкіл Ferrero тобы негізге алған әлеуметтік жауапкершілікке қатысты қызмет - біздің өмір салтымыз бен жұмысымыздың ажырамас бөлігі болды және болып қала береді.
Бүгінде Джованни Ферреро компанияны Басқарма Төрағасы ретінде сәтті басқаруды жалғастыруда. Ferrero компаниясында біз тұтынушылардың өзгеретін қажеттіліктерін қанағаттандыратын өнімдерді жасаудың жаңа тәсілдерін үнемі зерттейміз. Біздің бірегей өнімдеріміз бен брендтеріміздің сапасына әсер ететін дәл осындай ұсақ-түйек мәселелер маңызды рөл атқарады.
