БІЗДІҢ ТАМАҚТАНУҒА ДЕГЕН ҰСТАНЫМЫЗ
Көптеген жылдар бойы біз өмірдің ерекше сәттері мен мерекелерін нұрландыра түсетін, зор ұқыптылықпен және сүйіспеншілікпен дайындалған талғампаз өнімдерді жасау дәстүрін ұстанып келеміз. Біздің өнімдеріміз тамаша дәм мен ләззат сыйлауға арналған. Сапа мен шеберлікке деген адалдығымызды сақтай отырып, біз тұтынушыларымызды ең алуан түрлі сәттер мен іс-шараларға арналған өнімдермен қуанту үшін үнемі дамып, инновацияларды енгізіп отырамыз.
Біздіңше, дұрыс тамақтану мен салауатты өмір салтын ұстана отырып, кез келген өнімнен қалыпты мөлшерде ләззат алуға болады.
Біз өнімдеріміздің тұтынушыларымыздың күнделікті өміріне үйлесіп, олардың пайдасына асуын қалаймыз. Сондықтан әркімнің саналы таңдау жасап, өнімімізді жауапкершілікпен тұтынуына көмектесеміз.
ТҰТЫНУШЫЛАРДЫ ҚОЛДАУ
Біздің тәсіліміздің негізінде жауапты тұтынудың маңызды элементі ретінде мөлшерлі порция ұстанымы жатыр. Мұндай формат ұсынылатын порция туралы ақпаратпен үйлесе отырып, тұтынушыларға саналы таңдау жасауға және өнімдерімізді күнделікті теңдестірілген, әртүрлі рацион мен салауатты өмір салтының бір бөлігі ретінде пайдалануға көмектеседі
ПОРЦИЯЛАР
Біз порция көлемін бақылауды өнімдерімізді жауапкершілікпен тұтынудың негізгі ұстанымдарының бірі ретінде қарастырамыз.
Біздің көптеген өнімдеріміз өндіріс кезеңінен бастап шағын порциялармен және жеке қаптамада әзірленеді, бұл біздің порцияланған өнімдерді шығарудағы бұрыннан қалыптасқан дәстүрімізді көрсетеді. Соңғы есептілігіміздің мәліметтеріне сәйкес, ассортиментіміздің шамамен 85%-ында бір порцияға 130 калориядан немесе одан аз, ал шамамен 63%-ында 100 ккал және одан аз келеді.
ТАҒАМДЫҚ ҚҰНДЫЛЫҒЫ
Өнімнің тағамдық құндылығы туралы түсінікті ақпарат беру - біздің ұстанымымыздың маңызды бөлігі. Бұл тұтынушыларға саналы таңдау жасауға көмектеседі.
Біз тағамдық құндылық туралы ақпаратты әртүрлі елдер заңнамасының талаптарына, сондай-ақ өз еркімізбен қабылдаған міндеттемелерімізге сәйкес қаптаманың беткі және/немесе артқы жағында белгілейміз.
Біз тағамдық құндылық туралы мәліметтерді жеткізу жолдарын, соның ішінде SmartLabel және QR-кодтар сияқты цифрлық құралдарды қолдану арқылы үнемі жетілдіріп отырамыз.
ИННОВАЦИЯЛАР МЕН ТАҢДАУ
Біз өмірдің әртүрлі сәттеріне арналған өнімдерді шығарамыз және ғылыми негізделген тамақтану ұстанымдарымызға сүйене отырып, инновациялық өнімдерді енгізу арқылы тұтынушылардың таңдау мүмкіндігін үнемі кеңейтуге күш саламыз.
ИННОВАЦИЯЛАР
Инновациялар – Ferrero қызметінің негізі. Біз тұтынушылардың өзгеретін әдеттері мен талғамдарын ескере отырып, оларды сүйікті өнімдерімен қуантуға және түрлі сәттерге арналған жаңа шешімдерді ұсынуға ұмтыламыз.
Компанияның барлық жаңа өнімдері Ferrero (FNC) критерийлеріне – біздің ғылыми негізделген тамақтану критерийлерімізге сәйкес әзірленеді.
FERRERO-НЫҢ ТАМАҚТАНУ САЛАСЫНДАҒЫ КРИТЕРИЙЛЕРІ
Ferrero-ның тамақтану саласындағы критерийлері (Ferrero Nutrition Criteria, FNC) - бұл біздің өнімдеріміздің әрбір санатына арналған ғылыми негізделген стандарттарымыз. Олар өнім түрлерін бағалауға және тұтынушылардың талғамы мен қалауына нұқсан келтірмей, өзгеріп отыратын қажеттіліктер мен тамақтану туралы ғылымды ескере отырып, жаңа өнімдерді әзірлеуге көмектеседі.
Бұл стандарттар халықаралық ұйымдар мен сaрапшылар қауымдастығының ұсынымдарына негізделген. Сондай-ақ олар өнімдердің технологиялық мүмкіндіктерін, тағамдық құндылығы мен дәмдік сипаттамаларын, энергетикалық құндылығын және тұтынуы шектелетін де, құпталатын да нутриенттердің мөлшерін ескереді.
FNC критерийлері өнімдерімізді олардың түріне, тағамдық құрамы мен ингредиенттеріне, сонымен қатар тұтыну ерекшеліктері мен үйлесімді рациондағы рөліне қарай санаттар бойынша жіктейді.
2025 жылдың шілдесінде FNC критерийлері алғаш рет рецензияланатын ғылыми журналда жарияланды, бұл біздің ұстанымымыздың айқындылығын арттыру жолындағы маңызды қадам болды.
БЕЛСЕНДІ ӨМІР САЛТЫ
Біз балаларды қозғалыстан ләззат алуға шабыттандыратын бастамаларды жүзеге асыра отырып, белсенді өмір салтын қолдаймыз.
БЕЛСЕНДІ ӘРІ САЛАУАТТЫ ӨМІР САЛТЫН ЫНТАЛАНДЫРУ
Kinder Joy of moving - бұл Ferrero тобының балалардың белсенділікке, қозғалысқа және ойынға деген табиғи құштарлығын қолдауға бағытталған әлеуметтік жобасы. Біз қозғалысқа деген бүгінгі оң көзқарас болашақта салауатты әрі үйлесімді өскен ересектер буынын қалыптастыруға көмектесетініне сенімдіміз. Бастаманың негізінде ойын мен қозғалыс арқылы балалардың белсенді әрі бақытты болып өсуіне қажетті негізгі дағдыларды дамытуға көмектесетін ғылыми дәлелденген білім беру тәсілі — Joy of moving әдістемесі жатыр.
Kinder Joy of moving мектеп бағдарламасында да, одан тыс жерлерде де дене шынықтыру бағдарламаларын, сондай-ақ балаларға арналған спорттық іс-шаралар мен мектеп жарыстарын ұйымдастырады және қолдайды. Жоба аясында балалардың спортпен жақынырақ танысуына көмектесетін пәнаралық іс-шаралар өткізіледі; жастарды қанаттандыратын спортшылармен және бұрынғы чемпиондармен ынтымақтастық орнатылған, сондай-ақ белсенді өмір салтының пайдасына арналған зерттеу жобалары жүзеге асырылады.
Kinder Joy of Moving туралы көбірек біліңіз.
ТОЛЫҒЫРАҚ АҚПАРАТ
