Пальма майы
БІЗДІҢ ПАЛЬМА МАЙЫ
Пальма майын экологиялық қауіпсіз алу – жеткізушілерді жауапкершілікпен таңдаудағы біздің басты назарымыз.
Пальма майын адам мыңдаған жылдар бойы қолданып келеді; бұл біздің өнімдерге бай дәм мен ерекше құрылым беретін, сонымен бірге олардың сақтау мерзімін ұзартатын сапалы ингредиент. 40-тан астам ел пальма майын өндіреді, Малайзия мен Индонезия әлемдік өндірістің шамамен 85% құрайды.
Пальма майын өндіруге қатысты мәселелердің бірі - пальма майы экологиялық емес жолмен өндірілген жағдайларда егін жинау әдістері биоәртүрлілікті қорғауға теріс әсер етеді. Пальма майын өндірудің тұрақсыз әдістері тропикалық ормандарда және басқа да түрлерге бай мекендеу орындарында химиялық заттарды қолданумен қатар, жерді пайдалануды айтарлықтай өзгертіп, майлы пальмаларды кесуге әкелуі мүмкін. Сонымен қатар, әлеуметтік проблемалар, сондай-ақ пальма майының пайда болуын бақылау қиындықтары бар. Сонымен қатар, байырғы қауымдастықтардың жерге деген құқығы жиі мойындалмайды және майлы пальма өсіретін компаниялардың жерді тазартуы ауыл фермерлеріннен ығыстыру мүмкін.
Ferrero тұрақты пальма майын қолдануды көздеп, орманды жоюсыз әрі қанаусыз жеткізу тізбегін құруға бағытталған шараларын жүйелі түрде күшейтіп келеді. The World Wildlife Fund (WWF) қоры пальма майын жауапкершілікпен сатып алу мен осы мәселелерді шешудегі Ferrero-ның озық тәсілін жоғары мойындады.
New Guinea
Біздің жеткізушілерді айрықша таңдау тәсіліміз келесі негізгі қағидаларға сүйенген:
1. RSPO-сертификатталған бөлінген пальма майын шектеулі сенімді жеткізушілерден сатып алу пальма майының шығу тегін плантация деңгейіне дейін анықтауға мүмкіндік береді. Жеткізушілермен тығыз жұмыс жасай отырып, біз жақсартулар мен инновациялық шешімдерді енгізу мүмкіндіктерін табамыз.
2. Starling спутниктік технологиясы арқылы пальма майын бүкіл жеткізу тізбегінде ағаштарды кесудің бар-жоғын қадағалау (1,6 миллион гектар жерді қамтиды).
3. Ferrero Пальма майы жарғысы және Ferrero жеткізушісінің кодексі тұрақты пальма майын жауапты сатып алу үшін біздің стандарттарымыз бен талаптарымызды белгілейді.
4. Ferrero атақты өнімдері мен иеленген өнімдерінде пайдаланылатын пальма майын жеткізу тізбегін жария ету.
5. Пальма майының плантацияларға дейін қадағалануы, соның арқасында Ferrero, Thorntons, Fannie May, FMC (бұрынғы Nestlé US кондитерлік бизнесі), ICFC, Eat Natural және бұрынғы Kellogg’s RSPO-сертификатталған пальма майының 96,2% сатып алады, ал 97% плантацияларға дейін бақыланады.
Барлық деңгейдегі мүдделі тараптармен тығыз ынтымақтастық арқылы шикізатты сатып алу тәжірибемізді дамытуды және инновациялауды жалғастыру мақсатымызға сәйкес, біз 2013 жылғы Ferrero пальма майы хартиясын жаңарттық. Құжатта пальма майы секторын адамдардың игілігі үшін және табиғатқа қамқорлықпен құру жөніндегі міндеттемелеріміз көрсетілген және біз тек сертификаттау талаптарымен шектелмейміз. Осы мақсатқа жету үшін жұмыс жасай отырып, біз пальма майын жауапты сатып алуға ерекше көзқарасымызды қолданамыз. Осылайша біз фермерлер мен фермерлер қауымдастығының өркендеуіне ықпал ететін құндылық жасаймыз.
RSPO 7 ҚАҒИДАСЫ
(2018 жылға арналған RSPO қағидаттары мен критерийлерін жаңарту)
1. Әдептілікті сақтау және ашық болу
2. Заңды түрде әрекет ету және құқықтарды құрметтеу
3. Өнімділікті, жағымды әсерді және тұрақтылықты оңтайландыру
4. Қоғам мен адам құқықтарын құрметтеу және пайда әкелу
5. Шағын фермерлік шаруашылықтарды тартуды қолдау
6. Жұмысшылардың құқықтары мен еңбек жағдайларын құрметтеу
7. Экожүйелер мен қоршаған ортаны қорғау, сақтау және көбейту
«Біз Ferrero Пальма майы жарғысын жоғары бағалаймыз: біріншіден, ол бұрыңғы міндеттемелерді сәтті орындауға негізделген және біз алған міндеттемелерді нақты әрекеттермен растайды. Екіншіден, Ferrero тұрақты құндылықтар мен ұзақ мерзімді өзгерістерге байланысты экологиялық және әлеуметтік кемелдікке деген адалдығын көрсетеді. Соңғысы, бұл Жарғы басқа компанияларды өз міндеттерін арттыруға ынталандырады, өйткені ұжымдық жұмылдыру мен әрекеттер ықпалды бір компанияның жеткізу тізбегі аясынан асыру үшін әлі де шешуші рөлге ие.»
Бастьен Саше, Earthworm Foundation бас директоры
Адам құқықтары және әлеуметтік практика, қоршаған ортаны қорғау және жеткізушілердің ашықтығы
Осы үш бағыттың негізінде барлық Ferrero жеткізушілерін қамтитын кешенді тексеру үдерісі жатыр:
• Ferrero еңбек пен өмір сүру жағдайларын жақсартуға және бүкіл құн тізбегі бойынша әділ кадрларды жинауға тырысады.
• Ferrero спутниктердің көмегімен оның құндылық тізбегінде орман ағаштарының жойылмайтындығын белсенді түрде бақылайды және тексереді.
• Ferrero компаниясы плантацияларды толық қадағалай алатын, зауыттар мен жер учаскелерінің тізімін, белгіленген мерзімдері мен атқарылған жұмыстар туралы есептері бар іс-шаралар жоспарын жариялай отырып, толық ашық құн тізбегіне ұмтылады.
FERRERO ПАЛЬМА МАЙЫ
RSPO сертификатталған
Тұрақты даму қағидаларымен үйлесетін пальма майы жөніндегі дөңгелек үстел (RSPO) компаниялар экологиялық таза пальма майын (Certified Sustainable Palm Oil - CSPO) өндіру үшін сәйкес келуі керек экологиялық және әлеуметтік критерийлер жинағын әзірледі. Бұл критерийлер пальма майын өсіруде тұрақты даму әдістерімен қамтамасыз етуге бағытталған. Ferrero өнімдеріндегі пальма майы сертификаты бар, «сегрегацияланған» жеткізу тізбегінен келеді. Ол сертификатталған түрлі плантациялардан жеткізіледі және жеткізу тізбегінде кәдімгі пальма майынан бөлек ұсталады. Осы жүйенің арқасында Ferrero пальма майын зауыттарға дейін бақылауға болады, бұл оның орман ағаштары жойылып жатқан плантациялардан келіп жатпағандығын қамтамасыз етеді.
Біздің күш-жігерімізді Дүниежүзілік жабайы табиғат қоры (WWF) мойындады
Біз салған күш-жігерді Дүниежүзілік жабайы табиғат қоры (WWF) сияқты мемлекеттік емес ұйымдар мойындап отыр. Әлемдік компаниялар тұрақты даму қағидаларымен үйлесетін пальма майына қолдау көрсеткендері үшін бағаланатын Palm Oil Buyers' Scorecard рейтингінде 2021 жылы WWF қоры Ferrero-ға 227 компания ішінен үшінші орынды берген. 24 ұпайдан 21,7 ұпай жинаған Ferrero әлемдік ірі бөлшекті сатушылар, тұтынушы тауарларын өндірушілер және тамақ өнімдерін өндіруші компаниялар арасында жетекші орынға ие. Ferrero әсіресе тропикалық аудандарда орман кесу мәселесіне қарсы салған күш-жігері мен жеткізу тізбегінің ашықтығы үшін мойындалды. Бұл жетістік біздің пальма майының жеткізушілерін жауапты таңдаудағы еңбегімізді айтарлықтай мойындау болып табылады және сапарымызды жалғастыруға үлкен шабыт береді.
