15-ШІ FERRERO КОМПАНИЯСЫНЫҢ ТҰРАҚТЫ ДАМУ ТУРАЛЫ ЕСЕБІ АЙТАРЛЫҚТАЙ ІЛГЕРІЛЕУДІ КӨРСЕТЕДІ
Ferrero тобы құн жасау тізбегінің барлық кезеңдеріне оң әсер етуге деген тұрақты ұмтылысын басшылыққа ала отырып, бұл есеп тұрақты дамудың негізгі бағыттары бойынша айтарлықтай ілгерілеуді көрсетеді. Есепке қоршаған ортаны қорғау, шикізатты жауапкершілікпен сатып алу, жауапты тұтыну қағидаттарын ілгерілету және адамдарға қамқорлық жасау кіреді.
“Ferrero Group болашақ ұрпақтар үшін табиғатты сақтаудағы өзінің маңызды рөлін мойындайды. Біз нақты іс-әрекеттеріміз арқылы Ferrero-ның ұзақ мерзімді стратегиясы тұрақты даму қағидаттарына негізделгенін дәлелдейміз. Ferrero-ның тұрақты даму стратегиясы төрт негізгі бағыт бойынша жүзеге асырылады және ол біздің әрбір қабылдайтын шешіміміздің негізінде жатыр,“ – деді Ferrero Тобының Төрағасы Джованни Ферреро.
“Ferrero портфолиосын ұлғайтып, әртараптандырған сайын, біз ұзақ мерзімді серіктестіктерімізді, атап айтқанда, біз жұмыс істейтін және шикізат көздерін алатын қауымдастықтарға арналған серіктестікті бағалаймыз. Біз прогреске қол жеткізу, саламыздағы әлеуметтік және экологиялық мәселелерді ілгерілету, сондай-ақ қоғам үшін құндылық қалыптастыру жолында серіктестіктің маңыздылығына сенеміз”.
2022/23 қаржы жылына арналған ең соңғы тұрақты даму есебінде Ferrero негізгі ингредиенттердің жеткізу тізбегінің ашықтығын арттыруға үлкен көңіл бөлуді жалғастырып жатқаны атап өтіледі. Бұл процесс жауапты шикізат сатып алу қағидаттарына сәйкес жүзеге асырылады. Ferrero фундуктың жеткізу тізбегін 90% қадағалауға қол жеткізді, бұл 2021/22 жылғы есепте көрсетілген 79%-дан айтарлықтай жоғары. Компания бұл нәтижелерге фермерлермен, жеткізушілермен, мекемелермен, университеттермен және ғылыми орталықтармен бірізді жұмыс жасау арқылы қол жеткізді.
Жергілікті серіктестермен бірлесе отырып, Ферреро шикізат көздерін алатын аумақтардағы ормандардың кесілуі сияқты күрделі мәселелерді шешуге көмектесті. Мысалы, спутниктік мониторингін қолдану 2022/23 жылдары фермерлік шаруашылықтар деңгейінде какаоның қадағалану мүмкіндігін 93%-ға дейін арттыруға көмектеседі. Ferrero бірнеше жылдар бойы тек озық технологияларды белсенді пайдаланып қана қоймай, сонымен қатар Әлемдік какао қорының (WCF) және Халықаралық какао бастамасының (ICI) мүшесі болып табылады.
Осындай серіктестіктер бала еңбегі мен мәжбүрлі еңбекке итермелейтін себептерді жою бағытынтағы жұмыстың алға жылжуына ықпал етті. Ferrero Save the Children ұйымымен Кот-д’Ивуардың Жоғарғы Сассандра аймағында жұмысын жалғастыруда. Кот-д’Ивуар – какаоның негізгі жеткізуші елдерінің бірі. Осы аймақта компания 65 қауымдастықпен ынтымақтаса отырып, 18 мыңнан астам фермерді қамтиды. Сондай-ақ, Ferrero пальма майы мен фундуктың жеткізу тізбегінде Earthworm Foundation және Халықаралық еңбек ұйымымен (ХЕҰ) ынтымақтастық орнатып, жауапты еңбек тәжірибелерін қолдауға көмектеседі.
Ferrero Тобының тұрақты даму саласындағы ілгерілеуі туралы есептен тағы бірқатар маңызды деректер:
• қайта өңдеуге, қайта пайдалануға немесе компосттауға жарамды Ferrero қаптамасының үлесі қазіргі таңда 90,7%-ды құрайды (88,5%, 2021/22 жылмен салыстырғанда);
• 2017/18 базалық жылынан бастап суды үнемдеу және қайта пайдалану бастамаларының арқасында Ferrero зауыттарында суды тұтыну 20%-ға азайған. Бұл көрсеткіш 2021/22 жылмен салыстырғанда 9,6%-ға жоғары;
• 2005 жылы басталған Kinder Joy of moving жобасына бүгінге дейін 60 миллионнан астам бала қатысқан (тек 2022/23 жылдың өзінде, 3,4 миллион бала).
Ferrero-ның соңғы есебі туралы толығырақ ақпарат осында.
