FERRERO ТОБЫНЫҢ 2025 ЖЫЛҒЫ ТҰРАҚТЫ ДАМУ ТУРАЛЫ ЕСЕБІ
Ferrero Тобы өзінің 17-ші Тұрақты даму туралы есебін ұсынды. Онда шикізат сатып алуға арналған Ferrero Farming Values бағдарламасына ерекше назар аударылып, төрт негізгі бағыт – климат және қоршаған орта, шикізат сатып алу, жауапты тұтыну және адамдарға қамқорлық бойынша қол жеткізілген жетістіктер атап көрсетілген.
ЛЮКСЕМБУРГ, 2026 жылғы 30 маусым – Ferrero компаниясы өзінің міндеттемелерін нақты іс-әрекеттер мен өлшенетін нәтижелерге қалай айналдырып жатқанын ашатын 2024/25 қаржы жылына арналған Тұрақты даму туралы есебін жариялады.
Ferrero компаниясының 80 жылдығында жарық көрген бұл есеп тұрақты даму принциптерінің компанияның барлық бизнес-процестеріне – ингредиенттер сатып алынатын фермерлік шаруашылықтар мен жергілікті қауымдастықтардан бастап, өндіріс алаңдарына, өнімдер мен қызметкерлерге дейін қалай интеграцияланғанын көрсетеді. Сондай-ақ құжатта Топтың шикізатты жауапты сатып алу және жеткізу тізбегінің тұрақтылығын арттыру стратегиясының драйвері ретінде жаңартылған Ferrero Farming Values бағдарламасы таныстырылды.
" Ferrero-ның ұзақ мерзімді табысы біздің жеткізу тізбегіміз байланысты болатын адамдар мен экожүйелердің әл-ауқатымен тығыз сабақтас. Тұтынушылар сапаға, шикізатты тұрақты сатып алуға, жауапты өндіріске және адамдар мен ғаламшарға деген тұрақты қамқорлыққа негізделген, өздері сенім арта алатын брендтерді жиі таңдайды. Біз өз мақсатымыз бен ұзақ мерзімді пайымымызды басшылыққа ала отырып, қоршаған ортаны қорғауға, қызметкерлерімізді, қауымдастықтар мен серіктестерімізді қолдауға, сондай-ақ тұтынушыларды көптеген ұрпақтар бойы қуантатын өнімдер жасауға бағытталған бастамаларды әрі қарай да қолдай береміз", - деді Ferrero Тобының Президенті Джованни Ферреро.
Ferrero компаниясының sacco conosciuto («ішінде не барын білу») философиясына негізделген Ferrero Farming Values тұжырымдамасы бес негізгі бағыт бойынша жүзеге асырылады: жеткізушілерді кешенді тексеру, жеткізу тізбегінің қадағалануы мен айқындығы, сертификаттау мен стандарттар, ауыл шаруашылығын жүргізу әдістері мен қауымдастықтар, сондай-ақ жүйелі мәселелерді шешу үшін стейкхолдерлермен ынтымақтастық маңызды рөл атқаратын секторды трансформациялау. Бұл тәсіл какао, пальма майы, орман жаңғағы, кофе және сүт өнімдері сияқты негізгі ингредиенттерді жеткізу тізбегіндегі тәуекелдер мен мүмкіндіктерді басқарудың бірыңғай, бірақ икемді құралын қамтамасыз етеді.
«Ferrero Farming Values біздің тұрақты даму стратегиямызды негізгі ингредиенттерді сатып алу саласындағы нақты іс-әрекеттерге ұштастырады», – деп атап өтті Ferrero International S.A. Вице-президенті Лапо Чивилетти. «Бұл құрылымдық тәсіл жеткізушілердің жауапкершілігін арттыруға, қадағалану мен сертификаттауды жақсартуға, фермерлерді қолдауға және әрбір жеке жеткізу тізбегінің ерекшелігін ескере отырып, саладағы ынтымақтастықты дамытуға көмектеседі».
2025 жылғы Тұрақты даму туралы есептің негізгі тезистері
Шикізатты тұрақты сатып алу
- Негізгі ингредиенттердің қадағалануы бойынша жоғары деңгейге қол жеткізілді: картаға түсірілген фермаларға дейін какаоның 98%-ы, плантацияларға дейін пальма майының 98,6%-ы, фермаларға дейін орман жаңғағының 97%-ы, сондай-ақ географиялық тұрғыдан анықталған плантация учаскелеріне дейін кофенің 100%-ы қадағаланды.
- Кофе, пальма майы және какао жеткізу тізбегінің шамамен 230 мың учаскесі Ferrero-ның EUDR талаптарымен келісілген мониторинг жүйесіне сәйкес талданды, бұл ашықтықты арттырады және ормандарды жою тәуекелінсіз сатып алуды қолдайды.
- Какао көлемінің 99%-ы сертификаттар немесе тәуелсіз стандарттар (Rainforest Alliance, Cocoa Horizons, Fairtrade) бойынша сатып алынды; пальма майының 100%-ы RSPO стандарттары бойынша; кофенің 100%-ы Rainforest Alliance стандарттары (бөлек жеткізу тізбегі моделі) бойынша сертификатталды.
- Фермерлік қауымдастықтарды қолдау жалғасуда, соның ішінде Кот-д’Ивуардағы Save the Children бағдарламасын кеңейту көзделіп отыр – ол 2030 жылға қарай какао өндірушілердің 235 қауымдастығын қамтиды.
Климат, қоршаған орта және қаптама
- Климаттық ауысу жоспарын әрі қарай дамыту Decarbonization Hub (Декарбонизация хабы) іске қосылуымен қолдау тапты. Бұл – өндірістік алаңдарға барлық операциялық процестер бойынша декарбонизацияның ауқымды жол карталарын әзірлеуге және енгізуге мүмкіндік беретін инновациялық құрал.
- Жеткізушілер арасында сатып алынатын шикізат көлемінің шамамен 60%-ын қамтитын Scope 3 шығарындылары туралы деректерді жинау науқаны жүргізілді; бұл ретте жеткізушілердің жауап беру деңгейі 93%-ға жетті, бұл серіктестердің жоғары деңгейде тартылғандығын дәлелдейді.
- Scope 1 және 2 аясындағы парниктік газдар шығарындылары жылдық есептеуде 7,2%-ға төмендеді. Бұған баламалы энергия көздеріне көшу жөніндегі бастамаларды жүйелі түрде іске асыру, соның ішінде 24 өндірістік алаңда желіден 100% жаңартылатын электр энергиясын пайдалану арқылы қол жеткізілді.
- Бүкіл Топ деңгейінде су ресурстарына жасалатын ықпалды алғашқы кешенді бағалау аяқталды; Ferrero Су ресурстарын тұрақты басқарудың халықаралық альянсына (Alliance for Water Stewardship) қосылды.
- Қаптаманың 92,9%-ы қайта өңдеу, қайта пайдалану немесе компосттау мүмкіндігін ескере отырып әзірленеді, бұл ретте қаптаманың 86,8%-ы іс жүзінде және өндірістік ауқымда қайта өңделеді, қайта пайдаланылады немесе компостталады.
- Ferrero Rocher қораптарының жаңартылған дизайнының арқасында пластиктің өнімге қатынасы 2019/20 жылғы базалық көрсеткішпен салыстырғанда 14,7%-ға қысқарды, бұл 2021 жылдың қыркүйегінен бастап шамамен 16 мың тонна пластикті пайдаланудан бас тартуға мүмкіндік берді.
Жауапты тұтыну
- Өнім инновациялары процестерін бағыттайтын және өнім портфелінің әрі қарайғы дамуын анықтайтын ғылыми негізделген Ferrero тамақтану критерийлері әзірленді.
- Компанияның жауапты коммуникация тәжірибесін нығайтатын Жарнама және маркетинг принциптері жаңартылды.
Адамдар мен қауымдастықтар
- Компания қызметкерлерді дамытуға, олардың әл-ауқатына және барлық операцияларда адам құқықтарының сақталуына бағытталған Inclusion & Respect бағдарламасы арқылы инклюзивті және сыйластыққа негізделген корпоративтік мәдениетті нығайтуды жалғастырды.
- Бағдарлама 61 елді қамтыды: 500-ден астам сессия өткізіліп, қызметкерлердің қатысу деңгейі 80%-ға жетті. Бағдарламаның негізгі элементтері қолданыстағы жаһандық бастамаларға интеграциялануда.
- Қызметкерлердің белсенділік деңгейі жоғары деңгейде сақталып отыр: жыл сайынғы YOU Survey сауалнамасы 86% қатысу көрсеткішін көрсетті, бұл ретте тартылғандық деңгейі (Engagement Index) және тиімді жұмыс істеу мүмкіндіктері (Enablement Index) сәйкесінше 3 және 7 тармаққа өсті.
- Joy of Moving бағдарламасы: 2025 жылы өзінің 20 жылдығын атап өтті. Ол 2005 жылдан бастап 35 елде 4,9 миллионнан астам баланы, ал 130-дан астам мемлекеттік және жекеменшік сарапшы-серіктестердің қолдауымен бүкіл әлем бойынша 60 миллионнан астам баланы қамтыды.
